Bo día!!
Estades a falar diariamente das vosas emocións? É moi importante que lles dediquedes un anaquiño a falar sobre elas, o que vos facilitará expresalas cando o necesitedes nalgunhas situacións máis complicadas. Necesitamos ter ordeadas as nosas emocións para poder comprendelas, e comprender así o que estamos a sentir nese momento.
Na aula fixemos unha actividade axudando ao Monstro de cores a organizar as súas emocións. Deixo aquí algunhas FOTOS nas diferentes aulas (realizada na sesión de Educación en valores).
Propóñovos que engadamos unha actividade máis ao CALENDARIO... Cada día, ademáis de tachar o día anterior, debuxar o tempo e escribir a data... Vos propoño que pensedes en cómo vos sentides nese momento e rodeedes o número da data coa cor que representa esa emoción:
Outra forma de facelo sería fabricando uns botes das emocións e expresar cada día de forma oral cómo nos sentimos. Unha idea...
Podemos facelo con 6 botes, enchendo cada un dunha emoción. Podemos enchelos con papeis de cores, con auga mesturada con témpera ou con auga con colorante.
Déixovos aquí un CREBACABEZAS sobre as emocións para que o creedes. Debedes completalo representando todas as emocións, recortalo e a xogar!!! (Se tedes plastificadora vos aconsello que o plastifiquedes, poden darlle uso en moitos momentos).
No hay comentarios:
Publicar un comentario